GUMATUA ENA CAKACAKA VAKAITALATALA
Maqosa Tiko ga ena Cakacaka Vakaitalatala—Bulia ga Nomu Vakatutu ni Soli Mekesini
VUNA E BIBI KINA: E yaga vakalevu na vakatutu e tiko ena noda ivola ni soqoni, ia era suinivosa ga. Ena vinakati mo bulia ga nomu ivakamacala. De dua o na via muria e dua tale na iwalewale se vakayagataka e dua tale na ulutaga ena taleitaki sara ena yalava. Ke o nanuma mo cakava qori, mo wilika na mekesini, dikeva na vakatutu e vakarautaki, sarava na vidio ni vakatutu, oti mo qai vakayagataka na vakatutu e ra mo bulia kina nomu ivakamacala.
KENA IWALEWALE:
Mo taroga, ‘Na vakatutu cava au na via vakayagataka?’
IO
-
Bulia nomu ikaunivosa. Ni o vakabula oti, tukuna vakalekaleka na vuna o veisiko yani kina. (Kena ivakaraitaki: “Au gole mai nikua meu . . .”)
-
Vakalewa vinaka na gauna mo taro kina, wilika na tikinivolatabu kei na soli ni mekesini. (Kena ivakaraitaki: Qo na ka o rawa ni tukuna ni o via wilika e dua na tikinivolatabu, “Na isaunitaro vinaka duadua e laurai ena tikinivolatabu qo.”)
SEGA
-
Digia e dua na ulutaga mai na mekesini o taleitaka era na via wilika na tiko ena yalava
-
Digia na taro vakavure vakasama me tekivutaki kina na veivosaki, ia me kua ga ni vakamadualaki ira. (Kena ivakaraitaki: Na taro ena tabana e 2.)
-
Digia na tikinivolatabu me wiliki. (Ke o solia na Yadra! qai lewa ke o via wilika e dua na tikinivolatabu. Ni vakarautaki na mekesini qori vei ira e lailai ga na ka era kila mai na iVolatabu, de dua era sega ni vakabauti lotu.)
-
Bulia e dua se rua na iyatuvosa mo vakamacalataka na sala ena yaga kina vua na itaukeinivale na mekesini
NA KA TALE GA ME CAKA
-
Vakarautaka e dua na taro me qai saumi ena veisikovi lesu
-
Vola na ka o na tukuna ena veisiko tarava, mo kua ni guilecava
