NODA BULA VAKARISITO
Kidavaki Ira Noda Vulagi
Ena ika 23 ni Maji, rauta ni 12 na milioni se sivia na vulagi era na tiko ena iVakananumi. Era na rogoca na ivunau e vakamacalataka na iloloma i Jiova, oya na ivoli. Era na rogoca tale ga na veivakalougatataki se bera mai eda na rawata na kawatamata! (Ais 11:6-9; 35:5, 6; 65:21-23; Jn 3:16) Ena sega ni veiuqeti ga o koya e vunau, eda rawa ni vakaitavi kece, qori nida kidavaki ira noda vulagi. (Rom 15:7) Qo eso na vakatutu.
-
Mo kua ni dabe tu ga qai waraka me tekivu na porokaramu, mo matadredredre qai kidavaki ira na vulagi kei ira na malumu tu vakayalo
-
O na kauaitaki ira na vulagi o sureta kei na so tale. Sureti ira moni dabe vata. Mo wasea nomu iVolatabu kei na ivolanisere
-
Ni oti na ivunau, mo tu vakarau ni sauma nona taro. Ke vinakati moni biubiu totolo mera vakayagataka na Vale ni Soqoni eso tale na ivavakoso, mo tuvanaka mo sikovi koya ni oti ga e vica na siga. Ke sega vei iko nona naba ni talevoni se sala mo tarai koya kina, o rawa ni kaya: “Au na via kila na nomu rai me baleta na soqo nikua. Dua na sala daru rawa ni veivosaki tale kina?”