VUNA E BIBI KINA: Nira vakavakarau na gonevuli ena rawarawa nodra kila se nanuma na ka eda vakavulici ira kina. Ni levu na ka era kila ra qai nanuma, ena totolo nodra toso. Ni oti nodra papitaiso, ena vinakati tiko ga mera vakavakarau ena soqoni kei na cakacaka vakaitalatala me rawa nira “yadra” tiko kina. (Mac 25:13) Ena yaga gona mera kila na iwalewale ni vuli, me tiko tale ga nodra ituvatuva. Ni se qai tekivu ga na vuli iVolatabu, meda vukei ira mera dau vakavakarau.

KENA IWALEWALE:

• Mo ivakaraitaki vinaka. (Rom 2:21) Vakasamataki gonevuli ni o vakavakarau tiko. (km 11/15 3) Me raica ni makataki nomu ivola ni vuli

• Uqeti koya me vakavakarau. Ni tauyavu ga na vuli, tukuna vua ni noda dau vakavakarau e tiki tale tiko ga ni ituvatuva ni vuli iVolatabu, vakamacalataka na kena yaga. Vakatututaka me volia na gauna me rawa ni vakavakarau. Eso na qasenivuli era solia na nodra ivola sa makataki oti vua na gonevuli me raica na kena yaga. Dau vakavinavinakataki koya ni vakavakarau

• Vakaraitaka vua na sala me vakavakarau kina. Ni se qai tekivu ga na vuli, eso na qasenivuli era vakayagataka na gauna qori mera vakaraitaka vei gonevuli na sala me vakavakarau kina