E vakadrukai Koliaci o Tevita ni nuitaki Jiova. (1Sa 17:45) E via vakaraitaka o Jiova nona kaukaua ena vukudra nona dauveiqaravi kece. (2Vei 16:9) Eda na vakararavi vakacava vei Jiova, meda kua ni nuitaka ga noda kaukaua se ka eda sotava mai? Qo e tolu na sala:

• Masu wasoma. Masu mo kere veivosoti ena dua na cala o cakava, kena ikuri mo kerea na kaukaua ni o temaki. (Mac 6:12, 13) Masulaka me vakalougatataka o Jiova nomu vakatulewa, kena ikuri mo kerea nona veidusimaki kei na vuku ni bera ni o vakatulewa.—Jem 1:5

• Me dua nomu ituvatuva ni wili iVolatabu kei na vuli vakataki iko. Wili iVolatabu e veisiga. (Sm 1:2) Vakasamataka vakatitobu na ivakaraitaki ena iVolatabu, muria sara na ka o vulica. (Jem 1:23-25) Vakavakarau ina cakacaka vakaitalatala, kua ni nuitaki iko ga. Me yaga vei iko na soqoni ni o vakavakarau vinaka.

• Cakacaka kei na isoqosoqo i Jiova. Mo kila na veidusimaki vovou ni isoqosoqo, muria sara. (Tvl 9:17) Vakarorogo nira veivakasalataki se veidusimaki na qase ni ivavakoso.—Ipe 13:17

SARAVA NA VIDIO KUA NI REREVAKA NA VEITUSAQATI, OTI SAUMA NA TARO QO:

• Na cava era rerevaka na tacida?

• Na cava e vukei ira mera kua ni rere?