Na JW Library e dua na porokaramu sega ni saumi (software application) e rawa ni download kina na iVolatabu, ivola, vidio, kei na katokatoni ena noda talevoni, tablet, se kompiuta.

SALA MO RAICA KINA: Gole ena Internet, dreta (install) na JW Library mai na app store. Na porokaramu qo e tiko ena levu na talevoni kei na tablet. Ni o sema ena Internet, dolava na porokaramu (app), digia na ka o vinakata me download ena nomu talevoni se tablet. Ke sega e vale na Internet, o rawa ni lako ena Vale ni Soqoni, valenivola (library), se valenikofi. Ni sa download rawa na ivola ena nomu talevoni se tablet, e sega tale ni vinakati mo sema ena Internet. Ni vakacurumi tiko ga na ka vovou ena JW Library, e vinakati mo dau sema ena Internet me vakavoui na nomu porokaramu.

VUNA ME DUA KINA NA NODA: E vakarawarawataka na JW Library na noda vuli vakataki keda, meda kila tale ga na ka e vulici ena soqoni. E yaga tale ga ena cakacaka vakaitalatala. Era vakadinadinataka eso ni yaga na porokaramu qo ena vunau tawalokuci ni rawa nida qaseqasetaka ni wasea na itukutuku e tu kina.