9:1-7

Vakasamataka mada na ka ena veinanuyaka o Jisu ni rogoci Tamana ni kaya ena raivotu ni vakadonui koya. Qori e vakaukauataki Jisu sara ga me vosota na ituvaki rarawataki ena vakarau sotava. E uqeti ratou tale ga o Pita, Jemesa kei Joni na raivotu qori. Ratou vakadeitaka kina ni Mesaia o Jisu, ni dodonu ga me ratou talairawarawa vua. Ni oti tale e 32 na yabaki, se nanuma vinaka tu ga o Pita na ka e yaco qori, kei na sala e vaqaqacotaka kina nona vakabauta na “vosa ni parofisai.”​—2Pi 1:16-19.

Eda sega ni raica na raivotu vakatubuqoroqoro ya, ia eda sa raica tiko na kena vakayacori. Sa veiliutaki tiko o Jisu me Tui kaukaua. Sa voleka qo me “vakaotia sara nona ravuravu,” me tauyavu kina na vuravura vou ni yalododonu.​—Vta 6:2.

E vaqaqacotaka vakacava nomu vakabauta ni o raica na kena vakayacori na parofisai vakaivolatabu?