GUMATUA ENA CAKACAKA VAKAITALATALA | MO MARAUTAKA VAKALEVU NA CAKACAKA VAKAITALATALA
Me Bulabula Nomu Veivakavulici
Dau veiuqeti ni bulabula na veivakavulici. Era na kauai kina na vakarorogo. E vakaraitaka tale ga nida raica vakabibi na itukutuku eda wasea. Rawa nida saga me bulabula noda itavi se mani vakacava noda isususu se itovo. (Rom 12:11) Eda na cakava vakacava?
Kena imatai, vakasamataka na vuna e bibi kina na noda itukutuku. E ka dokai meda “tukuna na itukutuku vinaka ni ka vinaka!” (Rom 10:15) Kena ikarua, vakasamataka na yaga ni itukutuku vinaka vei ira na vakarorogo. E bibi mera rogoca na ka o tukuna. (Rom 10:13, 14) Kena itinitini, me bulabula nomu vakamacala, me matau nomu matanataka, me laurai tale ga e matamu ni uqeti iko.
SARAVA NA VIDIO MARAUTAKA NA VEIVAKATISAIPELITAKI—MO MAQOSA ENA VEIVAKAVULICI—ME BULABULA NOMU VEIVAKAVULICI, QAI SAUMA NA TARO QO:
-
Na cava e sega ni bulabula kina na ivakarau ni nona veivakavulici o Nita ni vuli tiko kei Senibua?
-
Na cava e vukei Nita me bulabula tale nona ivakarau ni veivakavulici?
-
Dau veiuqeti ni bulabula na veivakavulici
Na cava meda kauaitaka kina nodra itovo vinaka na vakarorogo?
-
Ena uqeti ira vakacava na gonevuli kei na so tale na bulabula ni noda veivakavulici?
