O Jisu e vakayagakataka na veika era sotava tu ena gauna ya ena nona cakacaka vakavunau. (Lu 13:1-5) O rawa tale ga ni cakava qori mera taleitaka na lewenivanua na itukutuku ni Matanitu ni Kalou. Ni o tukuna na leqa vakailavo, na leqa tubukoso, nodra tikoyavavala na lewenivanua, na waigaga ni veivakamatenitaki, se dua tale na ka, mo taroga na taro vakavure vakasama. O rawa ni taroga: “O nanuma ni sa voleka ni oti na . . . ?” se “Na cava na nomuni rai ena wali vakacava na . . . ?” Oti qai wilika e dua na tikinivolatabu e veisemati kei na ulutaga qori. Ke tataleitaki, vakaraitaka vua e dua na vidio se ivola ena iVukevuke ni Veivakavulici (Teaching Toolbox). Nida saga meda uqeta na lomadra e levu ena noda yalava, meda cakava mada ga “na ka kece ena vuku ni itukutuku vinaka.”—1Ko 9:22, 23.

Na ulutaga cava era na rairai taleitaka ena nomu yalava?