Nida kawa ivalavala ca, e ka ni sasaga meda dau lewa vinaka na noda gagadre. Ke da via cakava ga na ka eda vinakata, ena sega ni vakadonui keda o Jiova. Kena ivakaraitaki, eso era taleitaka vakalevu na kakana, isulu, kei na nodra vale, e lailai nodra lomana na Kalou. Eso tale era vakaceguya nodra gagadre ni veiyacovi ena sala e sega ni vakadonuya na Kalou. (Rom 1:26, 27) Eso tale era rawai ena veimurimuri mera taleitaki se ciqomi kina.—Ly 23:2.

Eda na lewa vinaka vakacava na noda gagadre? E bibi meda gumatua ni vakaliuca na veika vakayalo. (Mac 4:4) Meda kerei Jiova tale ga me vukei keda meda lewa vinaka na noda gagadre. Na vuna? Ni kila na ka e vinaka vei keda kei na sala me vakacegui kina na ka eda gadreva.—Sm 145:16.

SARAVA NA VIDIO KUA NI VAKALEQA NOMU BULA ENA KANA TAVAKO, OTI QAI SAUMA NA TARO QO:

• Na cava era kana tavako kina eso?

• Na cava mo kila me baleta na tavako?

• Na cava e cala kina na vakatavako?—2Ko 7:1

• Na cava mo cakava mo kua sara ga ni kana tavako, se mo biuta?