Me rawa nira vukei na gonevuli mera kilai Jiova vinaka, mera toso tale ga mera matua vakayalo, e vinakati mera vulica e levu tale na ka, me kua ni yala ga ena ka eda vakavulici ira kina. (Mac 5:3; Ipe 5:12–6:2) E bibi mera vulica tale ga na sala mera vakani ira kina vakayalo.

Ni tekivu ga na vuli iVolatabu, vakaraitaka vei ira na gonevuli na sala mera vakavakarau kina ena nodra vuli, uqeti ira mera cakava sara. (mwb18.03 6) Uqeti ira mera masu ni bera nira vuli vakataki ira. Vukei ira mera kila na iyaya ni vakekeli ena iyaya vakalivaliva ra qai vakayagataka ena nodra vuli. Vakamacalataka na sala mera raica kina na ulutaga se vidio vou e biu ena jw.org kei na JW Broadcasting^®. Ni toso tiko na gauna, vakavulici ira mera wilika e veisiga na iVolatabu, mera vakavakarau ena soqoni ni ivavakoso, mera vakelia tale ga na isau ni nodra lomatarotaro. Vukei ira mera vakasamataka vakatitobu na ka era vulica tiko.

SARAVA NA VIDIO VUKEI IRA NOMU VULI IVOLATABU MERA VAKANI IRA VAKAYALO, QAI SAUMA NA TARO QO:

• E vukei Senibua vakacava o Nita me raica ni vuli iVolatabu e sega ni okati ga kina nona kila na isaunitaro?

• Na cava e vukei Senibua me vakabauta kina ni tu na dodonu vei Jiova me vakatabuya na veiyacovi tawadodonu?

• Na cava sa qai kila o Senibua me baleta na vakasama vakatitobu?