E bibi me vakatotolotaki noda cakacaka vakavunau ni sa voleka na veivakararawataki levu. (Vvb 24:11, 12, 20) Eda rawa ni vakayagataka na card me dusimaki ira na lewenivanua ina Vosa ni Kalou kei na noda website. E tiko ena card na code ena dusimaki ira ena vidio Na Vuna mo Vulica Kina na iVolatabu? kei na levu tale na ka mera kila se veisureti ena vuli iVolatabu. Eso era na sega ni taura noda ivola, ia era na via raica noda website. Mo solia vei ira na card. Ia me kua ni soli vei ira na sega ni taleitaki keda.

Qo na ka o rawa ni tukuna mo uqeta na tataleitaki: “Au na via solia vei iko e dua na card. Ena dusimaki iko ina dua na website e sega ni saumi, e tu kina e levu na itukutuku kei na vidio ena veimataqali ulutaga.” (Joni 4:7) E ka lalai toka ga na card, o rawa ni taura e vica mo solia ena gauna veiganiti kece.