NODA BULA VAKARISITO
Meda Maqosa Tiko ga ena Cakacaka Vakaitalatala
KENA BIBI: E bibi vei ira na vuli iVolatabu mera yalayala ra qai papitaiso me vakadonui ira kina o Jiova. (1Pi 3:21) Ke ra dina ena nodra yalayala, era na taqomaki vakayalo. (Sm 91:1, 2) Na lotu vaKarisito e yalayala vei Jiova, sega ni tamata, cakacaka, se isoqosoqo. E bibi kina mera vulica na gonevuli mera lomana na Kalou, mera dau vakavinavinaka tale ga vua.
KA ME CAKA:
-
Drau veivosakitaka ena gauna ni vuli na ka e vakamacalataki me baleti Jiova. Me vakabibitaki na wiliki ni iVolatabu e veisiga, me “kua ni cegu” ena masu vei Jiova.
—1Ce 5: 17; Jem 4:8 -
Uqeti gonevuli me nona isausau vakayalo me yalayala qai papitaiso. Vukei koya tale ga me sauva na isausau lalai me vaka na vakaitavi ena soqoni se me vunau vei ira na tiko veitikivi kei ira e vale ni cakacaka. Nanuma tiko, o Jiova e sega ni dau vakasaurarataka e dua me qaravi koya. Na yalayala e noda vakatulewa yadua.
—Vkr 30:19, 20 -
Uqeti gonevuli me cakava na veisau e gadrevi me rawa ni vakamarautaki Jiova qai papitaiso sara. (Vvb 27:11) E rawa ni vakawakana tu vei gonevuli eso na itovo se ivakarau, ena rairai vinakati kina me vukei tiko ga me tokara na itovo vou. (Efe 4:
22- 24) Drau veitalanoataka na ulutaga ni Vale ni Vakatawa “E Veisautaka na Bula na iVolatabu” -
Tukuna vua na marau o vakila ena nomu qaravi Jiova.
—Ais 48:17, 18
