Tekivu ena Seviteba, ena okati tiko ena iVola ni Soqoni Noda Bula vaKarisito kei na Cakacaka Vakaitalatala e dua na ulutaga vou ni vakatutu “Vakavulica na ka Dina.” Me noda inaki meda vakabibitaka e dua na yavu ni ka dina ni vakayagataki na taro kei na tikinivolatabu.

Ke da kila ni dua e tataleitaki, eda rawa ni biuta e dua na ivola se vakaraitaka na vidio mai na jw.org. Meda saga mera lesuvi totolo na tataleitaki me tomani na ka a veivosakitaki ena imatai ni veisiko. Na vakatutu vou qo kei na nodra itavi na gonevuli ena yavutaki ena ivakamacala lekaleka ni veiwase ni ivola Na Cava Eda na Vulica ena iVolatabu? Eda rawa ni raica kina eso tale na taro kei na tikinivolatabu ena yaga ena veisikovi lesu se caka vuli iVolatabu ni vakayagataki ga na iVolatabu.

E dua ga na sala e basika ina bula. (Mac 7:13, 14) Nida vosa vei ira e duidui nodra vakabauta kei na nodra isususu, e bibi meda vakamacalataka na ka dina vakaivolatabu ena uqeti ira. (1Tm 2:4) Nida kila vinaka e levu na ulutaga vakaivolatabu da qai vakavinakataka na noda “wasea vakadodonu na ivakavuvuli dina,” eda na marau vakalevu, ena vuavuaivinaka tale ga noda veivakavulici.—2Tm 2:15.