NODA BULA VAKARISITO
Nanuma na Wati Loti
Na cava e railesu kina o wati Loti ni sa biuti Sotoma mai? E sega ni tukuna na iVolatabu. (Vte 19:17, 26) Na ivakasala i Jisu ena veitikina wavolita, e dusia ni a rairai diva na veika sa biuta mai. (Lu 17:31, 32) Na cava meda cakava me vakadonui keda tiko ga kina na Kalou? Meda kua ni vakaliuca na noda tikovinaka vakayago. (Mac 6:33) E vakavulica o Jisu nida “sega ni rawa ni qarava na Kalou kei na iYau.” (Mac 6:24) Ia vakacava ke da liaca ni sa vakaruguta tiko noda bula vakayalo na iyau? Meda kerea vei Jiova na yalomatua meda kila na veiveisau meda cakava, meda kerea tale ga na yaloqaqa kei na kaukaua meda cakava kina.
VAKASAMATAKA NA VIDIO E TOLU NA KENA IWASEWASE NANUMA NA WATI LOTI, QAI SAUMA NA TARO QO:
-
Ena laurai vakacava ena ka au cakava niu “nanuma na wati Loti”?
E rawai vakacava na vakasama i Lora, ivosavosa, kei na itovo me rawailavo vakalevu?
-
E ka ni vuli vakacava vei keda nikua na ivakaraitaki i wati Loti?
-
E yaga vakacava vei Jo kei na nona vuvale na ivakavuvuli vakaivolatabu?
-
E vakaleqa vakacava na bula vakayalo i Ana o ira na nona ilala e vanua ni cakacaka?
-
Na cava meda yaloqaqa kina ke da uqeti meda vakaliuca na rawailavo?
-
Rau qai vakaliuca tale vakacava o Bai kei Lora na veika vakayalo?
-
Na ivakavuvuli vakaivolatabu cava o raica ni vakamacalataki ena vidio qo?
