NODA BULA VAKARISITO
Era Kilai na Lotu vaKarisito Dina Nira Dau Veilomani—Maroroya na Duavata
VUNA E BIBI KINA: Ena bogi ni bera ni mate o Jisu, e masulaka mera “duavata sara” na nona tisaipeli. (Jn 17:23) Meda duavata tiko ga, e vinakati meda vakaraitaka na loloma e “sega ni katona na ca.”—1Ko 13:5.
KENA IWALEWALE:
-
Me vakataki Jiova, raica ga na ka era vinaka kina na tacida
-
Yalorawarawa ni veivosoti
-
Ni sa wali na veileqaleqati, guilecava, kua tale ni kauta cake mai.—Vvb 17:9
ME SARAVI NA VIDIO “DOU VEILOMANI”—KUA NI KATONA NA CA, QAI SAUMA NA TARO QO:
-
Ena imatai ni iwasewase ni vidio, e vakaraitaka vakacava o Eleni ni ‘katona tiko na ca’?
-
Ena ikarua ni iwasewase ni vidio, na cava e cakava o Eleni me kua kina ni cala nona rai, me donu tiko ga?
-
Na cava e cakava o Eleni me maroroya kina na duavata ni ivavakoso?