Na itovo cava o vinakata vua na nomu itokani? De dua na yalodina, yalovinaka, kei na lomasavu. Qori na itovo kece i Jiova. (Ly 34:6; Cak 14:17) E rogoci iko ni o masu vua. Ena tokoni iko ni o vinakata nona veivuke. (Sm 18:19, 35) E vosota nomu cala. (1Jn 1:9) E dua dina na iTokani vinaka o Jiova!

Na cava mo cakava mo itokani i Jiova? Vulica na veika me baleti koya ni o wilika nona Vosa. Talaucaka vua na lomamu. (Sm 62:8; 142:2) Mo mareqeta na ka e bibi vei Jiova. Me vaka na cava? O Jisu na Luvena, na nona Matanitu, nona yalayala me baleta na gauna se bera mai. Tukuni koya vei ira eso tale. (Vkr 32:3) Ke o veiwekani voleka kei Jiova, o na nona itokani me tawamudu.—Sm 73:25, 26, 28.

SARAVA NA VIDIO RA ITABAGONE—“TOVOLEA MADA QAI RAICA NI VINAKA O JIOVA,” OTI QAI TAROGA:

• O na vakarautaki iko vakacava mo yalayala qai papitaiso?

• Era na vukei iko vakacava eso ena ivavakoso mo qaravi Jiova?

• Ena yaga vakacava na cakacaka vakaitalatala me dei kina nomu veiwekani kei Jiova?

• Na veiqaravi cava tale o rawa ni sauva?

• Na cava o taleitaka vei Jiova?