Ena Noveba eda na saga meda tukuna na itukutuku vinaka ni sa voleka e dua na vuravura totoka. (Sm 37:10, 11; Vta 21:3-5) Mo veisautaka nomu ituvatuva mo vakaitavi kina vakalevu. Ke o bole mo painia veivuke ena vula qori, o rawa ni saga mo rawata e 30 se 50 na aua.

Mo wasea e dua na tikinivolatabu me baleta na vuravura vou ena kena levu o rawata. Ni o vakasamataka na tikinivolatabu mo vakayagataka, nanumi ira na tiko ena yalava. Ke dua e tataleitaki ena imatai ni veisiko, solia vua na Vale ni Vakatawa Nb. 2 2021. Oti mo sikovi koya totolo me tekivu na vuli iVolatabu ena brochure Marau me Tawamudu! Ena marautaki sara ga ni o tukuna yani na “itukutuku vinaka ni ka vinaka”!—Ais 52:7.

SARAVA NA VIDIO NI SERE NA VURAVURA VOU, OTI QAI SAUMA NA TARO QO:

• Na vuravura totoka cava e raitayaloyalotaka na goneyalewa lailai qo?

• Na cava eso na ka o vakanamata kina ena vuravura vou?

• Ena uqeti iko vakacava nomu vakasamataka vakatitobu nomu inuinui mo vunau vakalevu ena Noveba?—Lu 6:45