O taleitaka na vidio kei na taro vakavure vakasama ena ivola Marau me Tawamudu!? Vakacava na “Ka Era Kaya Eso,” “iSausau,” kei na “Vakekeli”? Na cava tale o raica ni yaga vakalevu ena nomu veivakatisaipelitaki?—Mac 28:19, 20.

Ka e Vakarautaki: Ke o via vakayagataka na ivola ena nomu veivakavulici, ena rawa vakacava mo raica ena dua ga na vanua na vidio, kei na so tale na ka e vakarautaki? Na ivola ena iyaya vakalivaliva, digia e dua vei ratou na iwasewase lelevu. Ena boto ni ulutaga e ra sara, o na digia kina na ka kece e vakarautaki ena iwasewase ya. (Raica na iyaloyalo 1.)

“Printed Edition” (Kena e tabaki): Ke o caka vuli tiko ena iyaya vakalivaliva, de dua ena vinaka mo vakayagataka na “Printed Edition” ena so na gauna ni vuli. Ni o raica na lesoni drau vulica tiko, tabaka na tolu na digo ena yasana imatau e cake qai digia na “Printed Edition.” O na rawa kina ni vakasamataka tiko na veisemati ni ka drau vulica kei na usutu ena lesoni qori. Mo lesu ina “digital edition,” tabaka tale na tolu na digo ya, digia na “Digital Edition.”

“Au Sa Rawa?”: E tiko na kato qo ni sa voleka ni cava na ivola, e vakamatatataka na ivakatagedegede me rawati ni sa vinakata o gonevuli me vunau kei ira na lewe ni ivavakoso, vaka kina na papitaiso. (Raica na iyaloyalo 2.)

iKuri ni iVakamacala: E tiko kina eso na ivakamacala ni usutu bibi. E tiko ena “digital edition” na isema (link) ni cava na ikuri ni ivakamacala. Qo ena kauti iko lesu ina vanua drau yala kina ena lesoni e vulici tiko. (Raica na iyaloyalo 2.)