Eda dau rarawa kece ena so na gauna. E sega ni kena ibalebale ni malumalumu noda vakabauta. E tukuna mada ga o Jiova ni dau rarawa ena so na gauna. (Vte 6:5, 6) Ia vakacava ke da dau rarawa ena levu na gauna, se na gauna kece?

Masuti Jiova me vukei iko. E kauaitaka vakalevu o Jiova na ivakarau ni lomada kei na noda vakasama. E kila na gauna eda marau kina se rarawa. E kila vinaka na vuna eda va kina qori. (Sm 7:9b) Koya e bibi sara, e lomani keda o Jiova, ena vukei keda meda vosota na noda rarawa se yalolailai.—Sm 34:18.

Qarauna na nomu vakasama. Nida yalolailai, eda na sega ni marau, ena rawa tale ga ni vakaleqa na noda sokalou. Qori na vuna e bibi kina meda taqomaka na lomada, ya na tamata e loma.—Vvb 4:23.

ME SARAVI NA VIDIO ERA VAKACEGU TIKO NA TACIDA NIRA LOMABIBI, OTI QAI SAUMA QO:

• Na cava e cakava o Nikki me vosota kina na lomabibi?

  Nomu isaunitaro

• Na cava e nanuma kina ni vinaka me qara na veivuke vakavuniwai?—Mac 9:12

  Nomu isaunitaro

• Sala cava e vakaraitaka kina ni nuitaka na veivuke i Jiova?

  Nomu isaunitaro