NODA BULA VAKARISITO
Era Vukea na Sipi i Jiova na iVakatawa
Levu era sega ni dau nuitaki ira na veiliutaki. Sa rauta me va qori na nodra rai. Ni dua na gauna balavu na nodra vakatanitaka tiko na nodra lewa me yaga ga vei ira. (Mai 7:3) Eda vakavinavinaka nira vakavulici na qase ni ivavakoso mera vakayagataka na nodra lewa meda vinaka kina na tamata i Jiova.—Esi 10:3; Mac 20:25, 26.
O ira na qase era sega ni vakataki ira na veiliutaki ena vuravura qo. Era qarava na nodra itavi vakaivakatawa nira lomani Jiova kei ira na nona tamata. (Jn 21:16; 1Pi 5:1-3) Ena veidusimaki i Jisu, era vukei ira na dautukutuku yadua mera kila nira lewe ni vuvale i Jiova, mera veivolekati tale ga kei koya. E totolo nodra dau vakayaloqaqataki ira na sipi i Jiova, era veivuke ni vinakati totolo na veiqaravi vakavuniwai, se na gauna ni leqa tubukoso. Ke vinakati mo vukei, kua ni tu suka mo raica e dua na qase ena nomu ivavakoso.—Jem 5:14.
ME SARAVI NA VIDIO IVAKATAWA ERA KAUAITAKA NA SIPI, OTI QAI SAUMA QO:
-
E yaga vakacava vei Mariana na nodrau veivuke na qase?
-
E yaga vakacava vei Elias na nodrau veivuke na qase?
-
Ni o sarava oti na vidio, cava nomu rai ena itavi era qarava na qase?
