VUNA E BIBI KINA: Dodonu mera vulica na ivakatagedegede ni Kalou na tamata ra qai muria, me vakadonui kina nodra sokalou. (Ais 2:3, 4) Meda vakayagataka na “Loloma ni Kalou” me ikarua ni ivola eda veivakavulici kina, me tuberi o gonevuli me kila ni bibi na ivakavuvuli vakalou ena bula ni veisiga. (Ipe 5:14) Meda saga me tara na lomadra na ka eda vakavulica me donu kina na inaki ni nodra veisau.—Rom 6:17.

KENA IWALEWALE:

• Vakavakarau vinaka, nanuma tiko na kena ituvaki o gonevuli. Taroga eso na taro vakavure vakasama mo kila kina na nona rai me baleta na ka sa vulica tiko.—Vvb 20:5; be 259

• Vakayagataka na kato kece e tiko ena ivola me kila o gonevuli na yaga ni ivakavuvuli vakaivolatabu

• Vukei gonevuli me vakayagataka nona lewaeloma, kua ga ni vakatulewa vua.—Kal 6:5

• Mo vakalewa vinaka ke vinakata o gonevuli na veivuke me muria kina eso na ivakavuvuli vakaivolatabu. Uqeti koya vakayalovinaka me cakava na veiveisau ena nona lomani Jiova.—Vvb 27:11; Jn 14:31