NODA BULA VAKARISITO
Meda Maqosa Tiko ga ena Cakacaka Vakaitalatala—Vukei Ira na “Yalomalumalumu”
VUNA E BIBI KINA: O Jiova e vakatubura na itei ni ka dina e lomadra “na yalomalumalumu era muria na sala mera bula tawamudu kina.” (Cak 13:48; 1Ko 3:7) Eda cakacaka vata kei koya ena cakacaka vakaitalatala nida gumatua ni vukei ira na muria na ka era vulica. (1Ko 9:26) E bibi mera kila na vuli iVolatabu ni vinakati mera papitaiso mera rawata kina na bula. (1Pi 3:21) Eda na vukei ira mera tisaipeli nida vakavulici ira mera veisau, vunau, veivakavulici, mera yalataka tale ga nodra bula vei Jiova.—Mac 28:19, 20.
KENA IWALEWALE:
-
Mo dau tukuna vei ira na vuli iVolatabu na inaki ni vuli, oya mera “kilai” Jiova qai vakamarautaki koya.—Jn 17:3
-
Vukei ira mera cakava eso na veisau mera toso kina vakayalo, oya mera biuta na itovo ca kei na ilala e veivakaleqai
-
Uqeti ira, vakayaloqaqataki ira tale ga ni bera nira papitaiso, vaka kina nira papitaiso oti.—Cak 14:22
SARAVA NA VIDIO ENA VUKEI IKO O JIOVA QAI SAUMA NA TARO QO:
-
Na cava era na rairai tu suka kina eso mera yalayala qai papitaiso?
-
Era na vukei ira vakacava na vuli iVolatabu na qase mera toso vakayalo?
-
Na cava eda vulica me baleti Jiova ena Aisea 41:10?
-
Eda sega ni uasivi, ia ena vakadonuya o Jiova noda veiqaravi ke tiko vei keda na itovo cava?