Ena gauna makawa, levu na gauna e dau tokoni ira na dauveiqaravi i Jiova na vakailesilesi vakamatanitu. (Ese 6:1-12; Esi 8:10-13) Eda raica tale ga nikua nona tiloma o “vuravura” na “uciwai” ni veivakacacani e vakavuna “na gata” o Setani na Tevoro. Na “vuravura” qori e dusi ira na vakaitutu se ilawalawa era valataka na ka dodonu. (Vta 12:16) Ena so na gauna, na “Kalou dauveivakabulai” o Jiova e rawa ni uqeti ira na iliuliu mera tokoni ira na nona tamata.—Sm 68:20; Vvb 21:1.

Vakacava ke o vesu ena vuku ni nomu vakabauta? Mo kua vakadua ni vakatitiqataka ni raici iko vinaka tiko mai o Jiova. (Vte 39:21-23; Sm 105:17-20) Mo nuidei ni o na vakalougatataki ena vuku ni nomu vakabauta, ena uqeti ira tale ga na tacida e veiyasa i vuravura na nomu yalodina.—Flp 1:12-14; Vte 2:10.

SARAVA NA VIDIO SEREKI MAI VALENIVEIVESU NA TACIDA E KOREA, OTI QAI SAUMA NA TARO QO:

• Na cava era vesu kina e veiyabaki e udolu na tacida e Sauca Korea?

• Na lewa cava e tauca na mataveilewai era sereki kina e vica na tacida tagane?

• Eda na tokoni ira vakacava na tacida era vesu tiko ena gauna qo e veiyasa i vuravura?

• Meda vakayagataka vakacava na galala eda marautaka tiko ena gauna qo?

• O cei e vakavuna meda qaqa ena mataveilewai?