BULA VAKAIDEWADEWA SE BULI?
Na Kuli ni Gata
NI KAUKAUA qai vavaku na kuli ni gata ena taqomaka na yagodra ena veivanua era dolo kina. Eso na gata era dolo ena tolo ni kau varovaroa, eso era bula ena veinuku katakata ni vanualala. Na cava e kaukaua kina na kuli ni yagodra?
Vakasamataka mada qo: E duidui na vavaku kei na ibulibuli ni kuli ni yagodra na veimataqali gata. Ia e dua na ka era tautauvata kina: E kaukaua na kulidra e tuba qai malumu ni voleka na viciko ni yagodra. Na cava na kena yaga? E kaya o Marie-Christin Klein e dua na dauvakadidike, “Ni buli e dua na ka e kaukaua e tuba qai malumu ni voleka e loma, ena kaukaua vinaka na ka e buli qori ena sega ni ca se mavoa rawarawa.” Na vakasakiti ni bulibuli ni kuli ni gata e sega kina ni sisi ni veidoloyaki e veivanua, ena gauna vata qori na kena bi ena tete e yagona taucoko me kua kina ni mavoa na kuli ni yagona ni dolo ena veivatu momoto. Ni dau tavoci tani na kulina makawa ena rua se tolu na vula, e bibi gona me kaukaua na kuli ni gata.
E yaga na veika e dikevi me baleta na kuli ni gata, ni rawa ni vakayagataki ena tabana ni veiqaravi vakavuniwai—me vaka na kena buli eso na ka e kaukaua, e dei me biu e yagoda ena gauna ni veisele. E buli tale ga na rapa e dau vakayagataki ena misini me vakamurimuria na ibulibuli ni kuli gata qai sega ni vakayagataki vakalevu kina na waiwai.
Na cava o nanuma? E bula vakaidewadewa se buli na kuli ni gata?
Rawa ni o Wilika Tale ga
YADRA!
Na iBulibuli ni Qanivivili
E taqomaki vinaka na vivili ena veivuke ni kena ibulibuli na qana.
YADRA!
Sala Veivakurabuitaki e Rawata Kina na Rokana
E sega ni solia na rokana e dua na ka e tiko ena vuana, ia na kena karakarawa buto e sega ni laurai ena dua tale na kau. E rawata vakacava na vua ni pollia na rokana?
YADRA!
Veivakurabuitaki na Sala e Bula Rawa Kina e Wai
Eso na manumanu ni wai era bula rawa ena vanua batabata ni vakatakatai ira na vavaku ni uro e yagodra. Ia na sea otter e vakararavi ena dua tale na ka.
YADRA!
Na iWalewale ni Nona ro na Oni
Era via vakatotomuria vakacava eso na iwalewale ni nona ro na oni ena kena buli na robot e rawa ni vuka?
YADRA!
Na Kadi ni Vanua Dravuisiga
Na kadi qo e dua vei ira na vica ga na manumanu e rawa nira bula ena vanua katakata. E rawa ni bula vakacava ena vanua dravuisiga?
YADRA!
Na ua ni Kuku
Na wa lalai se ua ni kuku e veivuke ena kena toka dei na kuku ena vanua e kabita. Na nodra kila na kenadau na sala e cakava rawa kina qori na ua ni kuku, ena vukei ira ena nodra vaqara eso na iyaya kabikabi ni vale, se iwalewale me sema kina na ua ni yago kei na sui.
