BULA VAKAIDEWADEWA SE BULI?
Nona iDusidusi ni Veitosoyaki na Burogo
E DUA na mataqali burogo na dung beetle. Na manumanu qo e dau vakayagataka na deni manumanu me kena, e dau vakalutu yaloka tale ga kina. Eso na ka tagane era dau wasea vei ira na ka yalewa mera rawai ira kina. Dua na ka na kena dau veivalataki na denimanumanu vou. Era dikeva na dauvakadidike nodra taleva toka e dua na ibinibini denielefaniti e 16 na udolu na manumanu qo, ra qai vakaotia ena loma ga ni rua na aua.
Eso na mataqali burogo e dau bulia na denimanumanu me mokimokiti qai vaqiqica me lai bulu ina dua na vanua malumu. Era cakava qo mera drovaki ira kina na kena vo. E dau totolo nodra dro nira vaqiqica vakadodonu, ena sega tale ga nira butakoca rawa na vo ni burogo.
E rawa vakacava vua na manumanu qo me kua ni sese ena bogi?
Vakasamataka Mada: E laurai ena vakadidike ni vakayagataka na rarama ni matanisiga kei na vula na burogo na dung beetle me veitosoyaki kina. E rawa sara mada ga nira veitosoyaki ena bogi buto. Era dikeva na dauvakadidike mai Sauca Aferika nira cakava rawa qori ena veivuke ni rarama mai na isoso kalokalo na Milky Way, sega ni nodra raica na kalokalo yadua. E vakamacalataka e dua na ivola vakasaenisi na Current Biology ni qo e “imatai ni manumanu e volatukutukutaki me vakayagataka na isoso kalokalo na Milky Way me dusimaka na vanua me gole kina.”
E kaya na dauvakadidike o Marcus Byrne, e vakasakiti “na mata ni manumanu qo ni rawa ni vakayagataka mada ga na rarama katabuto ni kalokalo me dusimaka nona veitosoyaki.” E tomana: “E rawa nira vukei keda meda kila na veika vereverea eda dau raica.” Kena ivakaraitaki, e rawa ni porokaramutaki na robot me vaqaqara ena irusarusa ni vale ni vakamurimuria gona na idusidusi ni nona veitosoyaki na burogo na dung beetle.
Na cava o nanuma? E bula vakaidewadewa se buli nona idusidusi ni veitosoyaki na burogo na dung beetle?
O bau kila?
Na burogo qo e dau vakamalumutaka qai vakabulabulataka na qele. E veikauyaka na sorenikau qai tarova na tubu sivia ni iwiliwili ni lago.
Rawa ni o Wilika Tale ga
YADRA!
Na iBulibuli ni Qanivivili
E taqomaki vinaka na vivili ena veivuke ni kena ibulibuli na qana.
YADRA!
Sala Veivakurabuitaki e Rawata Kina na Rokana
E sega ni solia na rokana e dua na ka e tiko ena vuana, ia na kena karakarawa buto e sega ni laurai ena dua tale na kau. E rawata vakacava na vua ni pollia na rokana?
YADRA!
Veivakurabuitaki na Sala e Bula Rawa Kina e Wai
Eso na manumanu ni wai era bula rawa ena vanua batabata ni vakatakatai ira na vavaku ni uro e yagodra. Ia na sea otter e vakararavi ena dua tale na ka.
YADRA!
Na iWalewale ni Nona ro na Oni
Era via vakatotomuria vakacava eso na iwalewale ni nona ro na oni ena kena buli na robot e rawa ni vuka?
YADRA!
Na Kadi ni Vanua Dravuisiga
Na kadi qo e dua vei ira na vica ga na manumanu e rawa nira bula ena vanua katakata. E rawa ni bula vakacava ena vanua dravuisiga?
YADRA!
Na ua ni Kuku
Na wa lalai se ua ni kuku e veivuke ena kena toka dei na kuku ena vanua e kabita. Na nodra kila na kenadau na sala e cakava rawa kina qori na ua ni kuku, ena vukei ira ena nodra vaqara eso na iyaya kabikabi ni vale, se iwalewale me sema kina na ua ni yago kei na sui.
