E KAYA o Jisu: “E marau vakalevu o koya e solia na ka, vakalailai o koya e taura na ka.” (Caka. 20:35) E yaga tale ga qori ena noda veiwekani kei Jiova. Na vuna? E vakarautaka o Jiova e levu na isolisoli eda marautaka, ia eda na marau vakalevu nida soli ka vua. Na iloloma cava eda rawa ni solia vei Jiova? E kaya na Vosa Vakaibalebale 3:9: “Mo rokovi Jiova ena nomu iyau.” Na noda “iyau” e wili kina na noda gauna, taledi, kaukaua, kei na ka eda taukena. Nida vakayagataka qori meda tokona kina na sokalou dina, eda sa soli ka tiko vei Jiova, eda na marau kina vakalevu.

Me baleta na ka eda taukena, na cava ena uqeti keda meda kua ni guilecava noda soli ka vei Jiova? E tukuna na yapositolo o Paula vei ira e Korinica mera “biuta vakatikitiki eso na ka” mera cautaka. (1 Kor. 16:2) Na cava mo cakava ke o via kila eso tale na itukutuku me baleta na cau ena nomu vanua? Yalovinaka raica na kato qo.

Ena so na vanua, e sega ni rawa na cau ena Internet. Ia o na raica ena vanua ni cau ena Internet eso tale na iwalewale ni cau. Ena so na vanua, ena laurai tale ga kina na taro e tarogi wasoma me sauma e levu na taro me baleta na cau.