Ke se bera, de dua o sa raica ga na kena yaco. Eda dau rogoca vakalevu na itukutuku ni veicati vakamatatamata, nodra cati na tagane era viavia yalewa se yalewa era viavia tagane, nodra vakaduiduitaki na tagane se yalewa, kei ira na gole mai vanuatani. E levu gona na matanitu era sa vakaduria na lawa me totogitaki kina na basulawa e yavutaki ena veicati (hate crime).

Na veicati e dau vakatubura ga na veicati. Levu era cati era dau sauma lesu na ka ca e caka vei ira. Qori sa na qai vakalevutaka ga na veicati.

De dua o sa vakila tale ga na kena revurevu me vaka na veivakaduiduitaki, raicalataki, vakalialiai, beci se vakarerei. Na veicati e rawa ni vakavuna tale ga na itovo kaukaua me vaka na veivakasagai, vakacaca, veivakamavoataki, kucu, laba se na nodra vakamatei mada ga e le levu.

Na mekesini qo ena sauma e vica na taro me baleta na veicati, qai vakamacalataka na sala meda valuta kina:

• Cava sa rui levu kina na veicati?

• O na valuta vakacava na yalo ni veicati?

• Rawa ni dua na gauna sa na oti vakadua na veicati?