Cava e Kaya na iVolatabu?
O cei na Tevoro?
O NA KAYA ni Tevoro e . . .
Dua na ka bula vakayalo?
Vakaibalebaletaka na ca ni lomana e dua?
Ka ga eda raitayaloyalotaka na tamata?
KA E KAYA NA IVOLATABU
A vosa vei Jisu na Tevoro, a “temaki” koya tale ga. (Maciu 4:1-4) E sega gona ni dua ga na ka me raitayaloyalotaki se me vakaibalebaletaka ga na ka ca. E dua dina na ka bula vakayalo ca.
CAVA TALE EDA RAWA NI VULICA ENA IVOLATABU?
A dua tu na agilosi savasava na Tevoro, ia a “sega ni dei ena dina.” (Joni 8:44) A yaco me daulasulasu, e talaidredre tale ga vua na Kalou.
Era tomani Setani eso tale na agilosi ena nodra talaidredre. —Vakatakila 12:9.
Na Tevoro e vakamatabokotaka e levu mera kua ni kila ni bula tiko.—2 Korinica 4:4.
E rawa ni lewai keda na Tevoro?
ERA KAYA ESO nira sega ni vakabauta ni rawa ni lewai keda na Tevoro, eso tale era rerevaka na curumi yalo velavela. Na cava o nanuma?
KA E KAYA NA IVOLATABU
“E lewa tiko na vunica na vuravura taucoko.” (1 Joni 5:19) Dua na ka na levu ni nona veivakamuai nikua na Tevoro, ia e sega ni lewai keda kece.
CAVA TALE EDA VULICA ENA IVOLATABU?
E dau lawaki na Tevoro me veivakamuai kina vakalevu.—2 Korinica 11:14.
Ena so na ituvaki e rawa nira lewai keda na yalo velavela.—Maciu 12:22.
Ena veivuke ni Kalou, o rawa ni “vorata na Tevoro.”—Jemesa 4:7.
Tiko tale ga ena www.pr418.com
Rawa ni o Wilika Tale ga
SAUMI NA TARO VAKAIVOLATABU
E Tiko Dina na Tevoro?
E bula dina na Tevoro se na ca ga e tiko e lomada?
SAUMI NA TARO VAKAIVOLATABU
E Bulia na Kalou na Tevoro?
O cei e Buli Setani? Raica na vuna e tukuna kina o Jisu ni Tevoro a “sega ni dei ena dina.”
SAUMI NA TARO VAKAIVOLATABU
Vakacava Eda Rawa ni Vorata na Tevoro?
E dau veivakamuai vakacava na Tevoro? O rawa ni vorata vakacava na nona ivadi?
