Vakacava o via vulica e levu na ka ena nomu vuli vakataki iko? Qo e vica na vakatutu o na rawa ni vakasama kina vakavinaka:

• Digia e dua na vanua vinaka. Ke rawa, raica e dua na vanua savasava, e rarama vinaka tale ga. Vakayagataka na desi, teveli, se dua na vanua vinaka e tautuba.

• Raica na vanua lala. E digia o Jisu me masu “ena matakacaca” ena “dua na vanua lala.” (Mari. 1:35) Ke o sega ni raica rawa e dua na vanua lala, tukuna nomu ituvatuva ni vuli vei ratou e vale se dua drau rumu vata, kerea me ratou kua ni vakasosa.

• Me kua na veivakasosani. Qarauna na ka e veivakawelei. Ke o vakayagataka nomu talevoni se iyaya vakalivaliva mo vuli kina, porokaramutaka me kua ni rorogo se tabaka na airplane mode me kua ni veivakasosani. Ke o nanuma mo cakava e dua na ka, vola toka mo qai cakava malua. Ke dredre mo vakasama, cegu vakalekaleka, taubale se vadre.