Vakacava e dau dredre mo nanuma na ka o vulica? Eso na gauna e dau yacovi keda qori. Na cava mo cakava? Vakasamataka na tikina bibi.

Ni o vuli vakataki iko, saga mo cegu vakalekaleka, mo vakasamataka na tikina bibi o vulica. Qori na ka e tukuna na yapositolo o Paula vei ira na vulica na nona ivola. E vola: “Qo na tikina bibi e macala.” (Iper. 8:1) Ni cakava qori o Paula e vukei ira kina na dauwiliwili mera kila na ka e tukuna kei na kena veisemati.

Ni cava nomu vuli, de dua mo vakayagataka e tini na miniti mo vakasamataka kina na tikina bibi o vulica. Ke o guilecava, raica na ulutaga lalai kei na imatai ni yatuvosa ena veiparakaravu mo nanuma na veitikina bibi. Ke o vulica e dua na ka vou, saga mo vakamacalataka ena nomu vosa ga. Ni o vakasamataka na tikina bibi, ena rawarawa mo nanuma tiko, o na kila vinaka tale ga na sala mo muria kina na ka o vulica.