E dua na itavi levu era qarava na itubutubu ya mera vakavulica na luvedra me baleti Jiova. (Efeso 6:4) E vakarautaka na isoqosoqo i Jiova e levu na ulutaga, vidio kei na sere mera vakayagataka na itubutubu. O na vakayagataka vakacava qori mo vakavulici luvemu?

• Raica na ka e vakarautaki. E tiko ena JW.ORG e levu na ivukevuke me baleti ira na gone, wili kina na vidio, na ka mera vakalewena se droini kina. a Mo raica qori, taipataka “Gone” se “iTabagone” ena kato Vaqara.

• Digia na ka e yaga vei luvemu. Na ka e vakarautaki ena iwasewase me baleti ira na “Gone,” o na rawa ni digia kina na ka ena ganiti luvemu. Mo raica qori, vaqara “Ka me Caka ena Sokalou Vakavuvale.”

• Veivosakitaka kei luvemu. Kua ni vakayagataka na vidio se ivola mera vakawelei kina na gone. Ia veivosakitaka kei koya, vukei koya tale ga me bucina nona veiwekani kei Jiova.