O bau wilika vinaka na itabataba ni Vale ni Vakatawa era se qai tabaki oti ga? Raica mada ke o rawa ni sauma e vica na taro qo:

Ena nodra vukei luvedra vakayalo, na cava mera kauaitaka kina vakabibi na itubutubu era biuvanua na ka me baleta na vosa?

Era na rairai vulica na gone e koronivuli kei na so tale na vanua na vosa ni vanua qori. E veivuke ni kila o gone eso tale na vosa. Me vakasamataka vinaka o itubutubu se vosa cava ena taura vinaka kina o gone na ka dina qai toso vakayalo, na vosa e vosataki vakalevu ena vanua ya se nodra vosa ni vanua era biuta mai. Era kauaitaka na itubutubu lotu vaKarisito na nodra bula vakayalo na luvedra, sega ni ka e baleti ira ga.​—w17.05, t. 9-11.

Ni tarogi Pita o Jisu: “O cei o lomana, o yau se na ka era tu qo,” o cei o ira na “ka” e tukuna tiko? (Joni 21:15)

De dua a vakaibalebaletaka tiko o Jisu na ika e toka e yasana se na bisinisi ni volitaki ika. Ni sa mate o Jisu, e lesu o Pita ena nona cakacaka e liu, me dauqoli. Me vakasamataka vinaka tale ga na lotu vaKarisito se sa bibi tiko vakacava vua na cakacaka.—w17.05, t. 22-23.

Na cava e kerei watina kina o Eparama me kaya ni ganena? (Vkte. 12:10-13)

Na kena dina ni o Eparama e ganena vakacabecabe o Sera. Ke tukuna o Sera ni rau veiwatini, ena rawa ni vakamatei o Eparama, qai sega ni rawa ni basika vua na kawa e yalataka na Kalou.—wp17.3, t. 14-15.

Na iwalewale vou cava e vakayagataka o Elias Hutter me vukei ira kina na via vulica na vosa vakaIperiu?

E vinakata me vukei ira na gonevuli mera kila na matanivola e vakayagataki ena vosa vakaIperiu kei na ka e baleta na ikuriliu kei na ikurimuri. Me rawa qori, e bulia e dua na ivakarau vou ni volavola qai veisautaka na ikuriliu kei na ikurimuri me matanivola kata. Kena ivakaraitaki, e rawa ni laurai qori ena New World Translation of the Holy Scriptures—With References.—wp17.4, t. 11-12.

Na cava mera nanuma tiko na lotu vaKarisito me baleta nodra vakaiyaragi mera taqomaki ira kina vei ira eso tale?

Me nanumi tiko ni raica vakabibi na Kalou na bula. A sega ni uqeti ira nona imuri o Jisu mera vakaiyaragi me rawa nira taqomaki. (Luke 22:36, 38) E dodonu meda tukitukia noda iseleiwau me batinisiviyara. E bibi cake na bula mai na iyau. Eda doka na nodra lewaeloma eso tale, eda na ivakaraitaki vinaka tale ga. (2 Kor. 4:2)—w17.07, t. 31-32.

Na cava e duidui kina nodrau itukutuku o Maciu kei Luke me baleta nona bula o Jisu ni se gone?

O Maciu e vakamacalataki Josefa vakalevu, kena ivakaraitaki na nona rai ni sa bukete o Meri kei na ivakaro vakalou me ratou dro i Ijipita, kei na nodratou lesu mai. Ia o Luke e vakamacalataki Meri vakalevu, vakabibi nona veisiko vei Ilisapeci, kei na ka e nanuma ni tiko ga ina valenisoro o Jisu.—w17.08, t. 32.

Na cava eso na ka dredre e vosota voli mai na iVolatabu?

Sa veisau na vosa kei na matavosa e dau vakayagataki ena iVolatabu ni toso na gauna. Na veiveisau ena veika vakapolitiki e vakamua na vosa era vosataka vakalevu na tauvanua. E tusaqati na vakadewataki ni iVolatabu ena nodra vosa na tauvanua.—w17.09, t. 19-21.

E tiko na agilosi e dau taqomaki keda?

Sega. E tukuna o Jisu ni o ira na agilosi era dau tu ga ena mata ni Kalou. (Maciu 18:10) E tukuna nira kauaitaka na agilosi na ka era cakava nona tisaipeli, e sega ni kena ibalebale nira na taqomaki keda vakacakamana.—wp17.5, t. 5.

Na cava na ivakatagedegede cecere duadua ni loloma?

Ni yavutaki ena ivakavuvuli dodonu, e cecere duadua na a.ga’pe. E okati kina noda veimositi kei na noda veitaleitaki. Ia e vakaraitaka tale ga na ivakavuvuli cecere, me vaka na noda nanumi ira na tacida qai muri o keda.—w17.10, t. 7.