O se Nanuma Tiko?
O rawa ni sauma na vica na taro qo e yavutaki ena Vale ni Vakatawa ni 2019?
Na cava na ibalebale ni ka e yalataka na Kalou: “Ena tawayaga na iyaragi kece e buli mo valuti kina”? (Aisea 54:17)
Eda nuitaka na Kalou ni na taqomaki keda mai na veika e dau veivakarusai me vaka na nodra “cudru na tamata ca.” (Aisea 25:4, 5) Ena dreve kece na nodra sasaga na meca mera vakaleqai keda.—w19.01, t. 6-7.
E laurai vakacava na lewadodonu ni Kalou ena ka e cakava vei ira na kai Kenani kei ira na Isireli talaidredre?
Na Kalou e lewai ira na vakatanitaka na veiyacovi se o ira na vakalolomataki ira na yalewa kei ira na gone. E vakalougatataki ira na talairawarawa vua kei ira na dau caka dodonu.—w19.02, t. 22-23.
Na cava meda cakava ke masu e dua e sega ni iVakadinadina i Jiova?
E rawa nida galu ga, meda veidokai ia eda na sega ni vakaemeni se veitauriliga kei ira na tiko kina. Eda rawa ni masu lo ga.—w19.03, t. 31.
Na cava e valavala ca bibi kina na veivakasagai?
Ni dua e veivakasagai, e valavala ca vua e vakasagai, valavala ca ina ivavakoso, ina matanitu, vua tale ga na Kalou. Ena veivanua e lavaki kina na lawa ni kena ripotetaki o koya e beitaki, era na saga na qase mera muria.—w19.05, t. 9-10.
O na veisautaka vakacava na igu e lewa na ivakarau ni nomu vakasama?
Qo na ka mo cakava: Vosa vei Jiova ena masu. Vakasama vakatitobu mo cakava eso na veisau. Digia vinaka nomu itokani.—w19.06, t. 11.
Eda na vakarautaki keda vakacava ena veivakacacani?
E vinakati meda vaqaqacotaka na noda veiwekani kei Jiova. Meda vakabauta ni lomani keda, ena sega ni biuti keda. Meda wilika e veisiga na iVolatabu, meda masu wasoma tale ga. Meda vakabauta na veivakalougatataki ni Matanitu ni Kalou. Meda wiligusutaka na noda tikinivolatabu taleitaki, meda kila vinaka tale ga na qaqanisere e vakacaucautaki kina o Jiova.—w19.07, t. 2-4.
Eda na vukei ira vakacava na wekada mera bula?
E bibi meda dau veikauaitaki, me ivakadinadina na noda itovo, meda dau vosovoso, meda dau yalovinaka tale ga.—w19.08, t. 15-17.
Eda na vakacegui vakacava me vaka e yalataka o Jisu ena Maciu 11:28?
Era tiko na ivakatawa dauloloma vaKarisito, o ira na tokani vinaka, e vinaka duadua tale ga na noda cakacaka.—w19.09, t. 23.
E tokoni keda vakacava o Jiova meda kua ni vinakata wale ga, ia meda cakava sara na nona inaki? (Fpai. 2:13)
Nida wilika na Vosa ni Kalou qai vakasamataka vakatitobu, ena tokoni keda o Jiova meda kua ni vinakata wale ga, ia meda cakava sara na nona inaki. E vukei keda na nona yalo tabu meda vakayagataka vinaka noda taledi.—w19.10, t. 21.
Na cava meda cakava ni bera nida vakatulewataka e dua na ka bibi?
E lima na ka meda cakava: Vakekeli vinaka. Kerea na vuku. Vakalewa nomu inaki. Me matata na nomu isausau. Me donu nomu rai.—w19.11, t. 27-29.
Vakacava e tekivu na ivakavuvuli ni tawamate ni yalo ena ka e tukuna o Setani vei Ivi mai Iteni?
Kena irairai ni sega. E kaya o Setani vei Ivi ni na sega ni mate, oya ni na bula tu ga. Ni yaco na waluvu, e vakarusai kece na ivakavuvuli ni lotu lasu. E kena irairai ni basika na ivakavuvuli ni tawamate ni yalo ni bera ni vakavuna na Kalou nodra talabusese o ira na tara na valececere e Pepeli.—w19.12, t. 15.