Na ka Dina me Baleta na Matanitu ni Kalou
E vakavulica vei ratou nona imuri o Jisu me ratou masuta: “Tamai keimami mai lomalagi, me vakarokorokotaki na yacamuni. Me yaco mai na nomuni Matanitu. Me caka na lomamuni e vuravura me vaka e caka tiko mai lomalagi.” (Maciu 6:9, 10) Na cava na Matanitu ni Kalou? Cava ena cakava? Cava meda masuta kina?
Jisu na Tui ni Matanitu ni Kalou.
Luke 1:31-33: “Vakayacani koya o Jisu. Ena dokai o koya, ena vakatokai me Luvei koya e Cecere Duadua, ena solia vua na Kalou o Jiova na idabedabe vakaturaga i Tevita na tamana, ena lewa vakatui ena vuvale i Jekope me tawamudu, ena sega ni mudu na nona Matanitu.”
Usutu ni cakacaka vakavunau i Jisu.
Maciu 9:35: “E sikova o Jisu na koro lelevu kece kei na koro lalai kece, e veivakavulici ena nodra valenilotu, e vunautaka na itukutuku vinaka ni Matanitu ni Kalou, qai vakabula na veimataqali tauvimate kei na malumalumu kece.”
Kaya o Jisu vei ratou nona tisaipeli na ivakatakilakila ni sa voleka mai na Matanitu.
Maciu 24:7: “Era na veivaluvaluti na veivanua kei na veimatanitu, ena vakilai na leqa ni kakana qai yaco tale ga na uneune ena levu na vanua.”
Era sa vunautaka tiko na tisaipeli i Jisu e vuravura raraba.
Maciu 24:14: “Ena vunautaki mada na itukutuku vinaka qo ni Matanitu ni Kalou ena veiyasa i vuravura me ivakadinadina ina veimatanitu kece, sa na qai yaco na icavacava.”
Rawa ni o Wilika Tale ga
SAUMI NA TARO VAKAIVOLATABU
Na Cava na Matanitu ni Kalou?
Dikeva na vuna e uasivia kina na matanitu kece vakatamata na Matanitu ni Kalou.
ESSENTIAL BIBLE TEACHINGS
Na Cava na Matanitu ni Kalou?
Ena cakacaka vakaitalatala i Jisu, e dau vakabibitaka na Matanitu ni Kalou. Sa balavu nodra masulaka tiko na nona imuri me yaco mai na Matanitu qori.
