O sa vakawilika vinaka na itabataba ni Vale ni Vakatawa se qai tabaki oti ga? Raica mada ke o rawa ni sauma e vica na taro qo:

Na cava ena vakarusai ena icavacava?

Ena vakawabokotaki na matanitu vakatamata, na ivalu kei na ivalavala tawadodonu, ena rusa o lotu ni sega ni doka na Kalou se vakacegui keda, era vakarusai tale ga na sega ni doka na Kalou.—1/5, t. 3-5.

O cei o Koki mai Mekoki e vakamacalataki ena ivola na Isikeli?

O Koki mai Mekoki e sega ni dusi Setani, e baleta ga nodra duavata na veimatanitu era saga mera vakawabokotaki ira na tamata ni Kalou ni tekivu na veivakararawataki levu.—15/5, t. 29-30.

Na cava e ono na itovo ena marautaka kina e dua nona bula vaqase?

E uqeti keda na iVolatabu meda (1) yalomalumalumu, (2) veiraurau na ka eda cakava, (3) donu noda rai, (4) dau lomasavu, (5) dau veikauaitaki, qai (6) dau vakavinavinaka. Nida vakaitovotaka na itovo qori ena marautaki na bula vaqase.—1/6, t. 8-10.

E laurai vakacava na lomasavu i Jisu ena nona cakamana?

Ena vakamau mai Kena, e vukica o Jisu e 380 na lita na wai me waini. Dua tale na gauna e vakania vakacakamana e le 5,000. (Maciu 14:14-21; Joni 2:6-11) Ena gauna ruarua qori e vakatotomuria o Jisu na lomasavu nei Tamana.—15/6, t. 4-5.

Eda rawa ni vakamarautaka dina na Kalou?

Eratou dau cala tale ga o Jope, o Loti, kei Tevita. Ia eratou vinakata me ratou qarava na Kalou, eratou veivutunitaka nodratou cala, ratou veisautaka nodratou ivalavala. E mani vakadonui ratou na Kalou, qori tale ga na ka meda cakava.—1/7, t. 12-13.

Ni rusa o Papiloni na Ka Levu, era na vakarusai tale ga o ira kece era lotu tu kina e liu?

Kena irairai ni sega. E tukuni ena Sakaraia 13:4-6 nira na vakanadakuya na nodra lotu eso na italatala ra qai cakitaka nira lewe ni lotu lasu.—15/7, t. 15-16.

Na cava e vinakata kina o Peraki me tomani koya o Tepora ina ivalu?

E turaga vakabauta o Peraki. E sega ni kerea me vakalevutaka o Jiova na nona iyaragi, e vinakata ga me tomani koya o Tepora ni matataka na Kalou, me vakayaloqaqataki koya kei ira na nona tamata. (Dvei. 4:6-8; 5:7)—1/8, t. 13.

Na cava eso na ka meda vakasamataka vakatitobu na lotu vaKarisito?

Qo e vica: na ibulibuli i Jiova, nona Vosa, noda rawa ni masu vua, kei na nona vakarautaka na keda ivoli.—15/8, t. 10-13.

E yaga vakacava ena veibuku nomu qarauna na ilala ca?

Eda na caka vinaka vei ira na sega ni muria na lawa ni Kalou. E vakacala gona na vosa ni Kalou me veibuku na lotu vaKarisito kei na dua e sega ni yalayala, e sega tale ga ni yalodina ena nona ivakatagedegede. (1 Kor. 15:33)—15/8, t. 25.

Na cava e sega ni dei kina na vakabauta i Pita, e qai vukei vakacava?

Ni tu vei Pita na vakabauta, e taubale kina e delaniwai me lako vei Jisu. (Maciu 14:24-32) Ia e rere ni raica na bula ni cagi. E qai dei tale nona vakabauta ni ciqoma na ivakasala i Jisu.—15/9, t. 16-17.

E volai ena Cakacaka 28:4 nira nanuma na lewe i Melita ni daulaba na yapositolo o Paula. Na vuna?

Ni kati Paula na gata poisoni, era nanuma kina ni totogitaki koya o Dike na kalou yalewa ni lewadodonu.—1/10, t. 9.

Na cava eda vulica ena nona vakawelei o Marica?

E ogaoga o Marica ni vakarautaka e dua na kakana levu. E kaya o Jisu ni digia o Meri na ivotavota vinaka ni rogoca na nona ivakavuvuli. Meda qarauna gona me kua ni vakalatilati ena noda qarava noda itavi vakayalo na veika e sega ni bibi.—15/10, pp. 18-20.