Vunau Lavotaki

Eda na Walia Rawa Vakacava na Leqa Nikua?

E levu tu na ivakasala ena vuravura nikua. E taleitaki vakalevu na ivola kei na porokaramu ena tivi e veivakasalataki ena sala me wali kina na leqa. Ia e yaco tiko ga e veisiga na leqa. O na rairai lomatarotarotaka: ‘E tiko dina na ivakasala e rawa ni nuitaki?’ Io!

E vakayagataki voli mai na iVolatabu me udolu vakacaca na yabaki, na kena ivakavuvuli e yaga tawamudu e rawa ni sauma na taro qo:

▪ Au na walia vakacava na duiyaloyalo me vinaka kina na noqu veiwekani kei ira tale eso?

▪ Au na kunea vakacava na marau?

▪ Au na walia vakacava na leqa vakailavo?

▪ Au na walia vakacava na nuiqawaqawa?

Ena veivosakitaki na isau ni taro qori ena vunau lavotaki e kena ulutaga: “Ena Wali Rawa Beka na Leqa Nikua ni Muri na iVakavuvuli Vakaivolatabu?” Na vunau vakaivolatabu qo ena caka ena sivia na 230 na vanua e veiyasa i vuravura. Ena levu na vanua ena caka ena nodra Kingdom Hall na iVakadinadina i Jiova, ena Sigatabu, 1 Me, 2011.

Era na marau na iVakadinadina ena vanua oni vakaitikotiko kina mera vakamacalataka vei kemuni na vanua kei na gauna ena caka kina. Oni sureti moni tiko kina.