O Raici Jisu Vakacava?

O raici koya me dua na gonelailai se qai sucu, dua na turaga sa voleka ni mate, se Tui cecere?

E vakaraitaka na iVolatabu ni Tui qaqa o Jisu. Ia na cava na kena ibalebale qori vei iko?

Era vakabauta e levu ni o Jisu a mate ena vukudra. Ia e rawa vakacava ni veivakabulai vei ira e levu nikua na nona mate e dua ena rauta na 2,000 na yabaki sa oti?

Oni sureti moni mai rogoca na isau vakaivolatabu ni taro era toka e cake nira soqoni vata na iVakadinadina i Jiova mera vakananuma na mate i Jisu. Ena yabaki qo ena vakayacori ena Lotulevu, 5 Epereli ni sa dromu oti na siga.

Yalovinaka qai taroga e dua na iVakadinadina i Jiova me baleta na gauna kei na vanua ena caka kina.

Oni sureti tale ga ena muanimacawa tarava moni mai rogoca kei ira na iVakadinadina i Jiova e dua na ivunau veiuqeti ena iVolatabu, na kena ulutaga “O Nanuma ni se Yawa?” E veiganiti dina na ivunau qori ni na tokoni kina na sasaga e veiyasa i vuravura mera vukei kece o ira era taleitaka na ka dina ra qai via vulica e levu tale na ka me baleti Jisu.