Saumi na Taro Vakaivolatabu
Eda rawa ni kila na Kalou?
Na Kalou e kabula vakayalo tawarairai. E bulia na lomalagi, vuravura kei na veikabula kece. Ia na Kalou e sega ni dua na nona itekitekivu—sega gona ni dua a buli koya. (Same 90:2) E vinakata meda vakasaqarai koya, meda kila tale ga na ka dina me baleti koya.—Wilika Cakacaka 17:24-27.E rawa sara ga nida kila na yacana.
Eda na kila eso na nona itovo nida raica na veika e bulia. (Roma 1:20) Ia meda kilai koya vinaka, ena vinakati meda vulica na nona Vosa na iVolatabu. Ena vakatakila kina vei keda na nona itovo talei.—Wilika Same 103:7-10.
Na cava na rai ni Kalou me baleta na ivalavala tawadodonu?
E cata na Dauveibuli o Jiova na ivalavala tawadodonu. A buli keda meda ucui koya. (Vakarua 25:16) Qori na vuna era sega ni taleitaka kina e levu na ivalavala tawadodonu. E sega ni vakavuna na Kalou na veika tawadodonu e yaco tu nikua. A solia vei keda na galala ni vakatulewa. Ka ni rarawa ni levu era vakayagataka cala na galala qori ra qai vakayacora na ivalavala tawadodonu. E ‘rarawa kina na loma’ i Jiova.—Wilika Vakatekivu 6:5, 6; Vakarua 32:4, 5.
Ni taleitaka na lewadodonu o Jiova, ena sega ni vakalaiva me yaco tiko ga na ivalavala tawadodonu. (Same 37:28, 29) E yalataki tu ena iVolatabu ni sa voleka sara ni muduka na ivalavala tawadodonu kece na Kalou.—Wilika 2 Pita 3:7-9, 13.
E yalataki tu ena iVolatabu ni sa voleka sara ni muduka na ivalavala tawadodonu kece na Kalou
Rawa ni o Wilika Tale ga
SAUMI NA TARO VAKAIVOLATABU
E Tiko na Yaca ni Kalou?
E kune ena levu na ivakadewa ni iVolatabu na yaca ni Kalou. Dodonu mo vakayagataka?
NA VALE NI VAKATAWA
Eda Rawa ni Kila Vinaka na Kalou?
Na veika me baleta na Kalou e sega ni vakamacalataki e rawa ni vukei keda meda kilai koya vinaka
ESSENTIAL BIBLE TEACHINGS
Na cava e Vakatara Tiko Kina na Kalou na Rarawa?
Levu era vakataroga na cava sa rui levu kina na veicati kei na rarawa. E tiko ena iVolatabu na kena isau veivakacegui.
