Saumi na Taro Vakaivolatabu
E rawa ni dua na vuravura me sega kina na dravudravua?
Ena vakaotia vakacava na dravudravua e vuravura na Kalou?
Na bula dravudravua e vakavuna nodra mate e vica vata na milioni e veiyabaki nira kana vakaca, ra qai tauvimate. Eso na vanua e vuravura era sa vakatorocaketaki tu, ia e dua na iwase levu ni kawatamata era se bula dravudravua tiko ga. E vakaraitaka na iVolatabu ni bula dravudravua e dua na leqa eda sega ni walia rawa tiko.
Me vakaoti na bula dravudravua, ena vinakati e dua na matanitu me lewa e vuravura. Me na tiko vua na kaukaua, me wasea vakatautauvata na veika eda rawa ni bula kina, qai vakaotia na ivalu e dau vakavuna vakalevu na dravudravua. E yalataka sara ga na Kalou e dua na matanitu va qori.
O cei e rawa ni vakaotia na dravudravua?
Na Kalou e lesi Luvena, o Jisu, me liutaka na kawatamata kece. (Same 2:4-8) Ena vakabulai ira na dravudravua o Jisu, ena vakaotia tale ga na veivakasaurarataki kei na ivalavala kaukaua.
Sa parofisaitaki oti tu ni o Jisu e “Turaga ni Sautu.” Ena qai vakataudeitaka e vuravura na bula sautu kei na nuidei. Era na qai dui tawana ga na nodra vale na bula e vuravura, ra marautaka na nodra cakacaka, levu tale ga na kakana.
Rawa ni o Wilika Tale ga
YADRA!
Ena Oti na Sega ni Vale kei na Dravudravua
iVakasala yaga vakaivolatabu me vakavinakataki kina na bula vakailavo kei na bula vakayago.
NA VALE NI VAKATAWA
Na Cava ena Cakava o Jisu ena Gauna se Bera Mai?
Na lewa vakatui i Jisu ena kauta mai na sautu e vuravura.
SAUMI NA TARO VAKAIVOLATABU
Na Cava ena Cakava na Matanitu ni Kalou?
Dikeva na ka meda namaka ni sa veiliutaki na Matanitu ni Kalou e vuravura.
