Saumi na Taro Vakaivolatabu
Eda rawa ni kila na ka dina me baleta na Kalou?
Cava e vinakata kina na Kalou meda kila na ka dina? Wilika Joni 17:3
E tiko na sala e vosa kina vei keda na Kalou. E vakayagataka na yalona tabu se igu tawarairai mera kila na dauvola iVolatabu na ka e vinakata. (2 Pita 1:20, 21) Eda rawa gona ni kila na ka dina me baleti koya nida wilika na iVolatabu.—Wilika Joni 17:17; 2 Timoci 3:16.
E vakatakilai ena iVolatabu e levu na ka me baleta na Kalou. E vakamacalataki kina na vu ni nona buli keda, na veika ena cakava ena vukuda, kei na ivakarau ni bula e vinakata meda muria. (Cakacaka 17:24-27) E vinakata na Kalou o Jiova meda kila na ka dina baleti koya.—Wilika 1 Timoci 2:3, 4.
Na cava e vakadonui ira kina na dau taleitaka na ka dina na Kalou?
E Kalou daudina o Jiova, e talai Jisu tale ga mai na Luvena me vakavulica na ka dina. Qori na vuna era volekati Jisu kina o ira na dau taleitaka na ka dina. (Joni 18:37) Na Kalou tale ga e vinakati ira vakalevu na via qaravi koya va qori.—Wilika Joni 4:23, 24.
E vakatetea na ivakavuvuli lasu me baleta na Kalou na Tevoro o Setani, mera kua kina ni kila na Kalou e levu. (2 Korinica 4:3, 4) Era taleitaka na ivakavuvuli lasu o ira na dau guta na caka ca. (Roma 1:25) Ia e vica vata na milioni na yalomalumalumu era sa mai kila na ka dina me baleta na Kalou ena nodra vulica na iVolatabu.—Wilika Cakacaka 17:11.
Rawa ni o Wilika Tale ga
BALETI KEIMAMI
Vuna mo Vulica Kina na iVolatabu
Na iVolatabu e sauma na ka era dau lomatarotarotaka tu e levu e veiyasa i vuravura. O na via kila tale ga?
NA VALE NI VAKATAWA
Na Cava e Kilai me Baleta Nona iTovo?
Na itovo uasivi cava e kilai me baleta na Kalou?
