E DUA vei ira na vanua lailai sara e vuravura, e tiko ena veiulunivanua na Alps ena tadrua i Suwitisiladi kei Austria. Ena veisenitiuri sa sivi era dau bula kina na kai Peritania makawa na Celts, ira na Rhaetians era a qali tu e Roma, ira na kai Roma, kei ira na tikitiki Jamani era vakatokai na Alemanni. E rauta ni rua na ikatolu ni lewe i Liechtenstein nikua era kawa ni yavusa na Alemanni, era mai vakatawana na vanua qo ena rauta na 1,500 na yabaki sa oti.

E vakayagataki e Liechtenstein na vosa vakaJamani, ia e duidui na vosa e kilai ena veikoro yadudua. Na kakana era dau saqara vakalevu na Tüarka-Rebel, e caka mai na sila, kei na Käsknöpfle, qo e caka mai na jisi kei na kena e waki vata na falawa, yaloka kei na wai, dau kilai me pasta.

E rawa nira sarava na vulagi na veiulunivanua e robota tu na ucacevata, vanua veibuca drokadroka, loganivaini, kei na veikau. Kena ivakaraitaki, ena veiulunivanua ni matanitu lailai qo era tubu tu kina vakaveitalia e voleka ni 50 na veimataqali senikau na orchid. E tu tale ga e Liechtenstein na vale ni iyau maroroi, vanua ni vakatasuasua kei na vale ni caka waini. Era dau gade kina na saravanua ena vulaikatakata vaka tale ga kina ena vulaililiwa.

 Era sa tu e Liechtenstein ena veiyabaki ni 1920 na iVakadinadina i Jiova. E rauta ni 90 era veivakavulici tiko ena iVolatabu vei ira na lewenivanua kei ira na saravanua ena gauna qo.