Me vaka ga na nodra sa kawaboko tiko yani eso na manumanu, na itovo tale ga qo na veidokai e vaka me sa yali tiko yani. Ia e vakasakiti nida vakaraitaka na itovo qori.

Kena ivakaraitaki, e levu era sa sega ni dokai ira eso tale, nodra itubutubu, itabaqase, ovisa, boso ni cakacaka, kei ira na qasenivuli. E levu tale ga era dau tukuna na vosa veibeci ena sala ni veikilai ena internet! E kaya e dua na ulutaga ena mekesini na Harvard Business Review, sa qai “toso cake tiko ga” nodra veibeci e levu. E tukuna tale ga ni “levu era kauai ni sa sega ni laurai na veidokai.”