Cava sa Sega Kina na Veidokai ena Nomu Bula?
VUNA MO KUA NI BECI IKO
O ira na sega ni dau beci ira era dau vosota na ituvaki dredre ena nuidei. Era sega tale ga ni dau soro koso.
-
E laurai ena dua na vakadidike ni o ira na dau beci ira, era dau nuiqawaqawa, lomabibi ra qai sega ni kana vinaka. Era na rawa ni vakayagataka tale ga vakasivia na alakaolo kei na wainimate gaga.
-
O ira na sega ni dau beci ira era na sega ni vakatauvatani ira kei na so tale, ena rawarawa kina nodra veimaliwai qai dei nodra veitokani. Ia o ira na dau beci ira, era dau veivakalewai qai rawa sara ga ni vakaleqa na veimaliwai kei ira eso tale.
-
O ira na sega ni dau beci ira era na dei tu ga nira sotava na ituvaki dredre. Era sega ni vakalaiva na veika dredre me tarova na nodra isausau. Ia o ira na dau beci ira era okata na malumalumu lailai mada ga me dua na icolacola levu. Ena rawa ni vakavuna sara ga mera soro koso.
KA O RAWA NI CAKAVA
Digia na itokani era na vakayaloqaqataki iko. Veimaliwai kei ira era dau veidokai, era kauaitaki iko dina, ra qai dau veiuqeti.
Vukei ira eso tale. Ke o dau yalovinaka qai vukei ira eso tale, okati kina o ira na sega ni sauma rawa na ka o cakava vei ira, o na vakila na marau dina e vu mai ena nomu soli ka. O na marau tale ga ke ra sega mada ga ni raica na ka vinaka o cakava.
Vukei luvemu me dokai koya. Dua na sala o na cakava kina, ya mo biuti koya me walia ga vakai koya na nona leqa ena nona vinaka taucoko. Qori ena vukei koya me kila na sala me vosota, qai walia kina na ituvaki dredre. Ena vukei koya tale ga me kua ni beci koya ena gauna qo kei na gauna sa qase kina.
SALA ERA VAKARAITAKA KINA NA VEIDOKAI NA IVAKADINADINA I JIOVA
Na soqoni kei na nodra porokaramu ni veivakavulici ena iVolatabu sa vukei ira na lewenivanua mera vakavinakataka nodra bula, ra qai kua ni beci ira.
SOQONI ENA LOMANIMACAWA
Na nodra soqoni ena lomanimacawa era dau rogoca kina na ivunau vakaivolatabu, e okati kina na sala mera kua ni dau beci ira. E sega ni saumi na nodra soqoni, qai dola raraba vei ira na lewenivanua. Kena ivakaraitaki, ena nodra soqoni o na vulica . . .
-
na vuna e kauaitaki iko kina na Kalou
-
na sala me vakainaki kina na bula
-
na sala me qaqaco qai dei kina na veitokani
O na kunei ira tale ga na itokani dina era dau ‘veikauaitaki.’—1 Korinica 12:25, 26.
Mo kila eso tale na ka me baleta nodra soqoni, raica ena jw.org na vidio lekaleka, Na Cava e Caka ena Vale ni Soqoni?
VEIVAKAVULICI ENA IVOLATABU
Era dau veivakavulici wale ena iVolatabu ni vakayagataki na ivola Marau me Tawamudu! E tiko kina eso na tikinivolatabu bibi, ivakamacala matata, taro e yaga, vidio veiuqeti, kei na iyaloyalo totoka. Na iwalewale ni veivakavulici qo ena vukei ira na lewenivanua mera nuidei qai vakavinakataka nodra bula.
Mo kila na sala ena rawa ni yaga vei iko nomu vulica na iVolatabu kei ira na iVakadinadina i Jiova, raica ena jw.org na vidio lekaleka, Vuna Mo Vulica Kina na iVolatabu?
Rawa ni o Wilika Tale ga
YADRA!
Sala Mo Veidokai Kina
Na veidokai e sega ni dodonu me vakaraitaki ga vagauna, ia me vakaraitaki e veigauna. O na vakaraitaka vakacava ni o dokai watimu?
SAUMI NA TARO VAKAIVOLATABU
Cava e Kaya na iVolatabu me Baleta Nomu Lomani Iko?
E kaya o Jisu: “E marau vakalevu o koya e solia na ka, vakalailai o koya e taura na ka.” Cava e vakaibalebaletaka o Jisu?
BALETI KEIMAMI
Kerea mo Sikovi
Veivosakitaka na isau ni dua na nomu taro mai na iVolatabu, se mo vulica eso tale na ka me baleti ira na iVakadinadina i Jiova.
BALETI KEIMAMI
Tiko ena Soqoni
Raica na veika e dau caka ena neimami soqoni. Vaqara na vanua ni soqoni e voleka ena nomu itikotiko.
