Ja. Gud hevur umsorgan fyri øllum sínum tænarum, eisini teimum, sum eru sjúkir. Bíblian sigur um ein trúfastan tænara: „HARRIN skal styðja hann á sóttarsongini.“ (Sálmur 41:4) Hesi trý stigini kunnu hjálpa tær, um tú hevur eina varandi sjúku:

1.   Bið um styrki til at halda út. „Friður Guds, sum stígur upp um alt vit,“ kann minka um tínar stúranir og hjálpa tær at halda út. – Filippibrævið 4:6, 7.

2.   Ver positivur. Bíblian sigur: „Glatt hjarta gevur góða heilsubót, men brotið mót sýgur mergin úr beinunum.“ (Orðtøkini 17:22) Royn at síggja tað stuttliga í ymiskum, tí tað kann gera tær myrku løturnar ljósari og hava góða ávirkan á heilsuna.

3.   Lít á lyfti Guds. At hava eina álítandi vón kann hjálpa tær at varðveita gleðina hóast varandi sjúku. (Rómbrævið 12:12) Bíblian tosar um eina tíð, tá ið „eingin ... skal siga: ’Eg eri sjúkur.’“ (Esaias 33:24) Tá fer Gud at beina fyri varandi sjúkum, sum læknavísindi í dag ikki eru før fyri. Til dømis sigur Bíblian, at tey gomlu verða ung og frísk aftur: „Kroppur hansara verður tá hyldligari enn í ungdóminum, hann verður aftur sum á ungdómsdøgum sínum.“ – Job 33:25.

 Gev gætur: Hóast vit sum Jehova vitni taka ímóti hjálpini, sum Gud gevur, taka vit eisini ímóti læknaviðgerð í sambandi við varandi sjúku. (Markus 2:17) Hinvegin mæla vit ikki til eina ávísa læknaviðgerð. Vit meina, at hvør einstakur má taka sína egnu avgerð.