Baksíða
Baksíða
Hvør onnur bók
• hevur givið íblástur til so nógv av heimsins størstu verkum innan myndlist, bókmentir og tónleik — ella havt stóra ávirkan á lóggávuna í so nógvum londum?
• er komin væl undan avskrivingum í fleiri túsund ár og kortini í høvuðsheitum latin okkum í upprunaligum líki?
• hevur givið íblástur til so stóran offurvilja, at summi vóru til reiðar at líða neyð, ja, eisini vága lívið fyri at umseta hana?
• er umsett til meira enn 2100 mál og atkomulig hjá meira enn 90 prosent av fólkinum í heiminum?
• nevnir vísindaligar sannleikar, sum ikki vórðu uppdagaðir fyrr enn fleiri hundrað ár seinni?
• hevur ævigar meginreglur, sum kunnu hjálpa fólki úr øllum rasum og tjóðum at fáa meira burtur úr tí, sum teimum er lagað í lívinum?
• hevur greiðar forsagnir, sum gingu út sambært søguni?
Er ein slík bók ikki verd at kanna?