190

Ein sangur til Jehova

(Sálmur 92:2, 3)

1. Jehova, hoyr vit syngja glað

til tín í bøn eitt takkarlag.

Vit kendu at tú henda dag

gav ans og var so nær.

Tú vísur er og góður við,

vit ganga trygg við tína lið.

Títt sannleiksorð gav sannan frið,

og tí vit prísa tær.

2. Takk fyri sannleiksorðið bjart,

tað spreiðir heimsins myrkur svart.

Hjá tær vit hava vísdóm lært,

ið lekir hug og sinn.

Og takk at vón vit síggja nær;

nú óttaleys vit fylgja tær.

Við hesum ljósi eingin slær

á villugøtu inn.

3. Á degi sum á dimmu nátt

vit prísa tær í himli hátt;

á frelsuleið vit vórðu sátt,

tú vísti kærleik fyrst.

Við yndisligum tónaspæl

av hjartanum vit takka sæl.

Má bønin tær tá líka væl

í navni Jesu Krists.