48

Gev Jehova æruna

(1 Korintbræv 3:7)

1. Til Skaparans æru lat lýsa av tær,

at alt, ið tú eigur, er gáva, tú fær.

Øll evni, tú hevur, øll kunnan, alt skil,

er gáva Jehova, ja, at tú ert til!

2. Lít ei at tær sjálvum, ver Gudi so nær,

at ljómin av himni kann speglast í tær.

Minst til, tú ert vitni við navninum skírt,

gev Harranum æru, ið keypti teg dýrt.

3. Gakk takksamur framá, har Gud vísir veg.

Ber glaður ta ábyrgd, ið løgd er á teg.

Skjótt skal alt, ið andar, hvørt livandi kykt,

lovprísa tí Gudi, sum gjørdi alt trygt.