69

Gudsótti og nøgdsemi

(1 Timoteus 6:6)

1. Gev Gudi sinn og hjarta,

tá sært tú vón so bjarta.

Tú sanna kann, at Jesus vann

á syndamyrkri svarta.

Lat einki trúgv tína skerja,

sjálvt ravnar Harrin vil verja.

Um svong og tyst, søk Ríkið fyrst,

lat onga stúran herja.

2. Við læru Krists í minni

tú nøgdsemi útinni.

Við dagligt breyð, í lyst og neyð,

tú frið í honum finni.

Ja, rík er signing tær ognast,

Gud veit, hvat best tær man gagnast.

Nú henda verð skjótt burtur er,

og frælsisdagur hómast.

3. Skjótt eru taldir dagar,

og verðin stundar hagar,

ið hon fordømd, av Gudi tømd,

forferst, tá fold hann agar.

Við gleði tæn tú Jehova,

lít á, hann fyllir í kova

og klæðir øll, úr himlahøll

hann sær, vit honum lova.