159

Kristni friður okkara

(Jóhannes 14:27)

1. Gudleys eiga ongan frið; tíðarandin her

prógvar, Satans ónda lið enn við ræði er.

Friðurin av himli tó setir dám á tann,

sum í gudstrúgv finnur ró, fremur kærleikan.

2. Prís Jehova syngja vit, friðar Gud er hann!

Gud, ið hevur fyrilit, krígnum steðga kann.

Fyrst tó Friðarhøvdingin hevjar rættar svørð,

vinnur Gudi sigurin, skapar frið á jørð.

3. Vunnið er á óttanum, beiskum orðum við.

Svørð sum tól á akrinum tekin er um frið.

Til at verja friðin ein fyrigeva má.

Verið tí til vreiði sein, aldri stygg og bráð.

4. Rættferð alir friðar frukt, sum hvør kristin fær,

um hann nemur vísdóms tukt, søkir bønarsvar.

Sannleikin er virdur har, kristin halda frið.

Nú er Harrans dagur nær, fullur friður við!