Fyrireika teg væl. Bið Jehova hjálpa tær at hugsa um boðskapin, ikki um teg sjálvan. Hav greitt í huga, hvat tú í høvuðsheitum ætlar tær at siga. Ber tankar fram við egnum orðum, heldur enn bara at endurgeva ein tekst orð fyri orð.

Lat tað koma frá hjartanum. Hugsa um tey, sum lurta. Minn teg á, hví tey hava brúk fyri at hoyra boðskapin. Tá sæst tað á tínum kropsburði, handakeipum og andlitsbrái, at tú meinar tað, sum tú sigur, og vilt teimum tað besta.

Hygg at teimum, sum lurta. Tað er gott at hava eygnasamband við tey, sum lurta. Tá ið tú heldur ein fyrilestur, riggar tað væl at hyggja at einum persóni í senn, heldur enn bara at lata eyguni reika yvir allan salin.